A Brief  Introductory Genealogy of the Irob Tribe in Ge’ez

ሐረግ ዘትውልደ ኢሮብ (በልሳነ ግዕዝ)

አዳም ወለደ እምሔዋን 1. ቃኤልሃ፡ 2. ወአቤልሃ፡ 3. ወሴትሃ። ወአቤልኒ ሞተ በእደ ቃኤል።

ወቃኤልኒ ወለደ ሄኖንሃ። ሄኖንኒ ወለደ ጋይዳድሃ። ጋይዳድኒ ወለደ ሳሙኤልሃ። ሳሙኤልኒ ወለደ ማቱሳላሃ። ማቱሳላኒ ወለደ ላሜህሃ። ላሜህኒ ወለደ ቶቤርሃ። ቶቤርኒ ወለደ ዘውእቱ ነሀቤ ብርት ወሐጺን ወአንዛሬ እንሲራ ውእቱ።

ሴትኒ ወልዱ ለአዳም ወለደ ሄኖክሃ። ሄኖክኒ ወለደ ቃይናንሃ። ቃይናንኒ ወለደ መላልኤልሃ። መላልኤልኒ ወለደ ያሬድሃ። ያሬድኒ ወለደ ሄኖክሃ። ሄኖክኒ ወለደ ማቱሳላሃ። ማቱሳላኒ ወለደ ላሜህሃ። ላሜህኒ ወለደ ኖኅሃ። ኖኅኒ ወለደ 1) ካምሃ፡ 2) ወያፌትሃ፡ 3) ወሴምሃ።

ካምኒ ወለደ ከነአንሃ ዘኮነ ገብረ ለአኃውሁ። ወከነአኒ ወለደ ኢትዮጵስሃ። ኢትዮጵስኒ ወለደ አክሱምሃ (እንበይነዝ ትትሰመይ፡ ትትበሃል ብሔረ አክሱም – ማኅደረ ጽዮን ቅድስት)።

ኢትዮጵስኒ ወለደ አክሱምሃ። ወተቀብሩ ኢትዮጵስ ወአክሱም በውስተ አክሱም። አክሱምኒ ወለደ አርፋክሳድሃ። አርፋክሳድኒ ወለደ ቃይናንሃ። ቃይናንኒ ወለደ ሳላሃ። ሳላኒ ወለደ አቤርሃ (ኤቦርሃ)። አቤርኒ ወለደ ፋሌቅሃ። ፋሌቅኒ ወለደ ራጋውሃ። ራጋውኒ ወለደ ሴኖህሃ። ሴኖህኒ ወለደ ናኮርሃ። ናኮርኒ ወለደ ታራሃ። ታራኒ ወለደ አብርሃምሃ። አብርሃምኒ ወለደ እስማኤልሃ እም አጋር አመቱ፡ ወያዕቆብሃ እምነ ሳራ እግዝእቱ።

ይስሐቅኒ ወለደ እምነ ርብቃ እኅተ ሳባ ያዕቆብሃ ወኤሳውሃ። ያዕቆብኒ ወለደ 12ቱ ነገደ እስራኤል። ዘውእቶሙ 1ዱ ይሁዳ፡ 2ቱ ጋድ፡ 3ቱ ሌዊ፡ 4ቱ ስምዖን፡ 5ቱ ምናሴ፡ 6ቱ ዮሴፍ (6ዘተሰይጠ ወኮነ ገብረ)፡ 7ቱ ብንያም፡ 8ቱ ሮቤል፡ 9ቱ ዛብሎን፡ 10ቱ ይሳኮር፡ 11ዱ ዓሴር፡ 12ቱ ንፍታሌም።

ጋድ ወልዱ ለያዕቆብ (እስራኤል) ሖረ ውስተ ሮምያ እስመ በጽሐቶ በዕፃ እም ደቂቀ እስራኤል አኃዊሁ። ወነግሠ በውስቴታ፤ ወበህየ ወለደ አቅሊምሃ። አቅሊምኒ ወለደ አፍሊስሃ። አፍሊስኒ ወለደ ሳዶቅሃ። ሳዶቅኒ ወለደ ሳሙኤልሃ። ሳሙኤልኒ ወለደ አበርኔሃ። አብርኔኒ ወለደ አፍኒንሃ። ኣፍኒንኒ ወለደ ዘካርያስሃ። ዘካርያስኒ ወለደ አሚናዳብሃ። አሚናዳብኒ ወለደ አክኒንሃ። አክኒንኒ ወለደ ፊንሐስሃ። ፊንሐስኒ ወለደ መግድርሃ።

መግድርኒ ወለደ እስክንድርሃ። እስክንድርኒ ወለደ ሐዶሃ። ሐዶኒ ወለደ ፋሬስሃ። ፋሬስኒ ወለደ መግድርሃ ዳግማዌ።

እምጋድ እስከ መግድር ዳግማዊ ነገሥታተ ሕዝብ ነግሡ በሮምያ።

እም አዳም እስከ ኖኅ፡ 10ቱ ትውልድ፤ እም ሴም እስከ ታራ፡ 10ቱ ትውልድ፤ እም አብርሃም እስከ መግድር ዳግማዊ፡ 19ቱ ትውልድ። ወኮና ኵሎን ትውልድ ለሕዝበ ሮም እም አዳም እስከ ጋድ፤ እምጋድ እስከ መግድር ዳግማዊ 39ቱ ትውልድ።

መግድርኒ ንጉሠ ሮም አውሰበ ብእሲተ እንተ ትሰመይ እለኒ ዘአቡሃ ዳዊት ንጉሠ እስራኤል ወእማ ቤርሳቤሕ፡ ብእሲተ ኦርዮ፣ እንተ ትንእስ እምነ ሰሎሞን እኁሃ።

መግድር ንጉሠ ሮም አውሰባ ለእለኒ ወወለደ እምኔሃ 1) አብርሃምሃ (አብራም)፣ 2) አክአብሃ፣ 3) እንድርያስሃ። አብራም ወአክአብ ተረፉ ውስተ ሮምያ ወሀለዉ እስከ ይእዜ ብዙኀነ።

እንድርያስኒ መጽአ ምስለ ወልደ ዕብራዊ ሰሎሞን፡ እኅወ እሙ (እለኒ) ወታቦተ ጽዮን ቅድስት፡ መንገለ አኵሱመ፤ ወነበሩ ህየ ኅቡረ እስከ 7ቱ ዓመተ።

ወእምዝ እንድርያስ ሖረ ውስተ ደስአ፣ ወአውሰበ ለብቍልድም ወለቱ ለቄስ ብርክ፣ ወወለደ ለሄባይ  ጽራዕ። ሄባይኒ ወለደ አይፋራህሃ። አይፋራህኒ ወለደ ዓሚዶሃ። ዓሚዶኒ ወለደ ወረደ ምሕረትሃ። ወረደምሕረትኒ ወለደ ምስማርሃ (አቡሆሙ ለሰበ ደስአ)፣ ኣብርሃምሃ ዘሖረ ውስተ ምድረ አረሚ፡ እንተ ትሰመይ “ዱሉም-ዳላብሃ” ዘኮነ አረማዌ።

ወእምዝ መጽአ ወረደምሕረት ውስተ ምድረ ሐረዜ፣ ወነበረ በውስቴታ ባዕል ዘስሙ ሐረዜ፤ ወቦቱ ወለት ዘስማ ቡልድን፣ ወወሀቦ ለወረደምሕረት። ወወለደ 3ቱ ደቂቀ – ሰንበቱሃ፡ ሱመሃ፡ ወሀናኬሃ።

ሀናኬ ሖረ ውስተ ምድረ ሰሳሕለ ወወለደ ጸዋጋነ ወመዓትማነ፣ ዘይብልዎሙ “ሰብአ ዓላሌ ፍሬ”።

ሰንበቱሂ ወለደ እምነ አቅሓረት ስድስቱ እገላ – 1) ለታይ  ዘውእቶሙ ዓዲቀለይቶ፤ 2) ሮይ ዘወለደ ሰብአ ብዘት፤ 3) ናይ ዘወለደ ሰብአ ድጐዝ፤ 4) ሮብ ዘወለደ ጕዕዳድሃ ዘውእቶሙ “ደቂ አጽማይ፣ ወሰሊባሃ ዘወለደ “እገላ-ማይ”፣ እገላ-ሖጻ፣ ወሐየትሃ ዘወለደ ሰብአ ሮብራ፤ 5) እገላ-ሐጺን፤ 6) እገላ-ሓርሲ፤ 7) እገላ-ሐመስ ዘይብልዎሙ “ትምላአ”፤ ወሳምናይ ወለደ እምነ አመቱ ዘይብልዎ “አድመቆም ዘወለደ ሰብአ ኮርባይራ።