IRROB.ORG

የአምላክ ፍቅር

   

 

  

    

free counters

እግዚአብሔር በሰው ፍቅር ነደደ፣
ፍጥረቱን በጣም ስለወደደ፣
አንድ ልጁን ወደ ዓለም ሊልክ ተገደደ፤
በፍጹም በሰው ዘንድ ያልተለመደ፤
የአምላክ ልጅ ከሰማየ ሰማያት ወረደ፣
በትስብእቱም ከሰው ጋራ ተዛመደ፣
ከአንዲት ድንግልም ሰው ሆኖ ተወለደ።


ትሕትናው በዚህ ብቻ ስላልበቃ፣
በሰው እጅ በበትር ተወቃ፣
ሆኖ ሳለ የመላእክት ሁሉ አለቃ፤
ሥልጣኑን አላሳየም ለአንዲትም ደቂቃ፣
በደሙ እስካገኘ ድረስ የአባቱን ምረቃ፣
አጥንቱ ሳይሰበር እንደ ቀጭኑ መቃ።


 በአምላክ ፍቅር የተሞላ፣
አለው በጣም ብዙ ሜላ፣
በፍጹም አይቀርም ወደኋላ፣
ሰው በአውሬ እንዳይበላ፣
አሳልፎ ይሰጣል የራሱን ገላ፤
አያውቅምና ከፍቅር ሌላ፤
ለሁሉም ነው የማር ወለላ፣
ለፍቅር ካልሆነ አይሆንም ተላላ፣
የተራበው ሁሉ ሆዱን እስኪሞላ።

 

 

 

 

%d bloggers like this: