IRROB.ORG

Home » የአባ ተስፋማርያም አስታየቶች » የትዕቢት ፍሬ » መቅናት የሚያስከትለው

መቅናት የሚያስከትለው

   

 

  

    

free counters

ቅንዓት የተባለ ኃጢአት፣
የተወለደው ከዋናው ምንጩ ትዕቢት፣
የትዕቢት ምንጭም ሽፍታው ሊቀ-መላእክት፣
በፈጣሪ ላይ እጅግ በጣም በመቅናት፣
የፈጣሪንም ሥልጣን በፍጹም በመሻት፣
አሳስቶ ሌሎችን ክፉዎች መላእክት፣
ያስጣላቸው በዘላለማዊ ገሃነመ እሳት፣
ስማቸው የተባለ ርኩሳን አጋንንት።

ኋላም ሰው ተፈጥሮ ሲኖር ሳለ በገነት፣
ሰይጣን በጣም አረረ በቅንዓት፤
ተሯሯጠ አዳምንና ሔዋንን ለማሳሳት፤
በእነርሱ ላይ ዘመተ በጣምም ተሳካለት፣
ስለምን ወደቁለት ተፈትነው በትዕቢት፣
እንዲራቈቱ ሆነ ከምልአተ-ጸጋ ሕይወት፤
ተረግመው እንዲመለሱ ወደ አፈር መሬት፣
አመጣባቸው ታላቁን የሞት ቅጣት።
በዚህም አልቆመም የትዕቢታቸው ውጤት፣
ተላለፈ እንደ ነበልባል እሳት፣
ልጆቻቸው ገቡ በኃጢአታቸው ሰንሰለት፤
ይኸውና እንግዲህ በቅንዓት ምክንያት፣
ቃኤል ገደለ አቤል-ወንድሙን በክፋት፤
ከዚያን ጊዜ ጅምሮ እስከ ዛሬው ዕለት፣
ወንድም ወንድሙን ይገድላል በጦርነት፣
እያስመሰለ ለሀገር ፍቅርና ነፃነት፣
እራሱ ምርኮኛ ሆኖ በቅንዓት ኃጢአት።

ስለዚህ ነው አንዱ ከሐዋርያት፣
እንዳሰፈረው በቅዱሳት መጻሕፍት፣
ቅንዓትና አድመኛነት ባሉበት፣
ይሆናል ሁልጊዜ በዓለማችን ሁከት፣
ጽድቅም ሰላምም በፍጹም ስለሌሉበት፣
ቅንዓት ይመራል ወደ ዘላለሙ ጥፋት፣
ከፈጣሪ የማይገኝለት ምሕረት።

 

 

 

 

 

%d bloggers like this: