IRROB.ORG

የሰይጣን ሥራ

   

 

  

    

free counters

የሰይጣን ሥራ
የጸጋ ኪሳራ፣
ሰው ከሰው እንዳይጋራ፣
ያደርገዋል ባለጋራ፤
ሕይወቱ እንዲሆን መራራ፣
የተሞላ በመከራ፣
ክፉ ብቻ እየተወራ፣
ኃጢኣት እየተሠራ፣
ብርሃን እንዳያበራ፣
ሰው በጥላቻ እየተገራ፣
ይበናል እንዳቧራ፤
እንደጠፋ ኣሞራ
ሞትን የፈራ፡፡


ሰይጣን ክፉ ወስላታ
ፈተናው ከበረታ፣
ሰውን ሁሉ ስለሚያንገላታ፣
ከጥዋት እስከ ማታ፣
ጣልቃ እየገባ በሁሉም ቦታ፣
ያሳጣል ኅብረተሰብን እፎይታ፡፡


ሰይጣን አጅሬ
ያ እርኩስ አውሬ፣
እንደ ተዋጊ በሬ፣
ሊከፋፈላት ኢትዮጵያን አገሬ፣
እንዳታፈራ የአንድነትን ፍሬ፤
እያቃጠላት በጥላቻ በርበሬ፣
እያናጋትም ይገኛል በፖለቲካ ወሬ፡፡


የሰይጣን ፈተና
ሳታውቅ ገና፣
መሆኑን በጥፋት ገናና፣፤
ይጨምርሃል ከባሕረ ጣና፤
ካልቻልክማ ዋና፣
ተውጠህ ትቀር እና፣
ትኖራለህ እንዳጣህ ጤና፤
ተሰውሮብህ የብርሃን ፋና፣
ጠፍቶብህ የደኅንነት ጐደና፤
ለዚሁ ሁሉ ሰይጣን ዋና፤
የሚዘምርልህ በጥላቻ በጌና፣
እንዳትበላ ከፍቅር መና፣
እንድትሆን ለዘላለም ወና፡
እንዳትመልስም ለፈጣሪህ ምስጋና፡፡


የዲያብሎስ ሥራ

ያ ዲያብሎስ የተባለው ሽፍታ፣
ይታያል ብዙዎችን በጥላቻ አስሮ ሲያንገላታ፣
በትዕቢት ፈተና እንዲርቁ ከፈጣሪው ጌታ፣
እርስበርስ እንዲፋጁ በዓመጽ ዉካታ፣
ሰውን ሰላምን ያሳጣል በሁሉም ቦታ፤
በስምምነት እንዳይኖር እንዳያገኝም ርካታ፣
ሕመምተኛ ያደርግሃል በጥላቻና ኃጢአት በሽታ፣
ችግራቸውን እንዳይፈቱ ተወያይቶ በገበታ፣
ይልቅስ ያተራምሳል እንዳይገኝ የሰላም ጸጥታ፣
ሰው እንዳይኖር በሰላምና ፍቅር ደስታ፡፡

 

 

 

 

 

 

 

The 2 Week Diet

The 2 Week Diet

%d bloggers like this: