IRROB.ORG

የሰው ኃጢአት

BTCClicks.com Banner

ኃጢአት ማለት

ኃጢአት ማለት፣
ከፈጣሪ ርቀት፣
የጸጋ ዕጦት፣
የጽድቅ ጕድለት፤
ከአምላክ በመሸፈት፣
ወደ ሰይጣን መጠጋት፣
መታሰር በሰንሰለት፣
በሥጋ ፍትወት፣
መጨማለቅ ከእበት፤
ኋላም ለውርደት፣
መግባት በሰይጣን ባርነት፤
ነፃነት በሌለበት፣
ኋላም ለመቃጠል በእሳት፣
ይመራል ወደ ሞት፣
ያወርዳልም ወደ መሬት፣
ያመጣልም ዘላለማዊን ቅጣት፤
ይኸ ነው እንግዲህ የኃጢአት፣
መጥፈው ውጤት።

ኃጢአት ይመራል ወደ ክፋት፣
ያመጣልም የኅሊናን ውጋት፣
እያሳጣ አእምሮን ዕረፍት፤
ነፍስን ይወጋታል በስውር ቀስት፣
ብዙዎችን ይጥላል ወደ ስሕተት፤
በፈጣሪ ታላቅ ቸርነት፣
ሰው በንስሐና ጸሎት ካላገኘ ምሕረት፣
ፍጻሜው ይሆናል ገሃነመ አሳት።

አምላክ በሰው ኃጢአት ተበደለ፣
ሰው በሰይጣን ፈተና እየተታለለ፣
ዓለምን በክፋቱ እየበከለ፣
የአምላክ ፍቅርን ጸጋ እየጣለ፤
የጠላውን ሁሉ እየተበቀለ፣
ከሃዲ ይሁዳን እየመሰለ፣
የእግዚአብሔርን ልጅ ሽጦ ያሰቀለ፤
በኃጢአቱም ሰበብ ወደ እሳት የተጣለ፣
ጽድቅን ትቶ የጥፋትን መንገድ የተከተለ።


ሰው በበደል ከተሳሳተ፣
በንስሓም ካልተፀፀተ፣
ሕይወቱ ለአደጋ ተከሠተ፣
ልቡ ለሰይጣን ስለተከፈተ፤
ነፍሱን በአምላክ ጸጋ ካልመከተ፣
በጸሎትም ለመከላከል ካልከተተ፣
ወዮለት ተሸንፎ ከኃጢአቱ ከሞተ፣
ተጥሎ ይቀራል ሬሳው እንደሸተተ።


ሰው በኃጢአት ከተሸነፈ፣
እንደ አበባ የረገፈ፣
ጸጋው ስለ ተገፈፈ፣
ኅሊናውም ስላላረፈ፣
ይኖራል በባሕር ላይ እየተንሳፈፈ፤
እንደ ዮናስ ንስሓን ካለፈፈ፣
ክፋትን ትቶ በጽድቅ ካልተደገፈ፣
ሕይወቱ ይቀራል በሰይጣን እንደ ተዘረፈ።

%d bloggers like this: