IRROB.ORG

Home » የአባ ተስፋማርያም አስታየቶች » ወደ ፈጣሪ መጠጋት

ወደ ፈጣሪ መጠጋት

BTCClicks.com Banner

ወደ ፈጣሪ የተጠጋ

በእምነት ወደ ፈጣሪው የተጠጋ፣
አይጐድለውም የርሱ ጸጋ፣
የገበየውን ያላንዳች ዋጋ፤
ሳይደርሰው አንድም አደጋ፣
በክረምትም ሆነ በሙቀታሙ በጋ፣
በምንም ዓይነት ሳይሰጋ፣
አያረጅም ሁልጊዜ ለጋ፤
አይታለልምም በገንዘብ ፍለጋ፤
ያሸንፋል ምንም ሳይዋጋ፣
በሕይወቱ ሁሌ ደስተኛ በጣም የረጋ፤
ያልተገረፈ በጥላቻና ፖለቲካ አለንጋ፣
ስላልተለየ ከክርስቶስ መንጋ፣
ይኖራል ወትሩ ከሰይጣን ጋራ እየተዋጋ፣
እንዳይገባ ከእርሱ መንጋጋ፣
በጸሎቱ ሁልጊዜ እንደ ተጋ።


ወደ እግዚአብሔር የተጠጋ፣
ይሆናል ባለብዙ ጸጋ፣
አይደርሰውም መጥፎ አደጋ፣
ስለማይቈጠር ከእኩያኑ መንጋ፣
ያለአንዳች ስጋት ልቡ የረጋ፣
አያረጅም ሁልጊዜ ለጋ፣
ቢወርድም ቈላ ቢወጣም ደጋ፣
ተደስቶ ይኖራል ምንም ሳይሰጋ፣
ልቡም በፍራት ሳይናጋ፣
ተኝቶ ያድራል ቀን እስኪነጋ።


ወደ ፈጣሪ መመለስ

ወደ ፈጣሪ መመለስ፣
ይበጃል ለሰው ነፍስ፣
የጽድቅ ሥራን በመልበስ፣
በፍቅሩ ጸጋ በመቀደስ፣
ሁልጊዜ ስሙን በመወደስ፣
ደስታ ይገኛል ለመንፈስ፤
ያ እርኩሱ ዲያብሎስ፣
አይቻለውም ወደ ሰው ለመድረስ፣
የእርስበርስ ደምን ለማፋሰስ፤
ከሰው ልብ ፍቅርን ለመደምሰስ፣
ጥላቻን ብቻ በማንገስ፣
የሰው ሕይወትን ለማርከስ፣
በአምላክ ቡራኬ እንዳይቀደስ።


ወደ አምላክ የቀረበ
በጸጋው ጠገበ አበበ፤
በመንፈሱም ስላልተራበ፣
ቅድስናን ብቻ እያሰበ፣
ቃሉንም ሁልጊዜ እያነበበ፣
በመላእክት ሁሌ እንደተከበበ፤
ሕዝብንም ወደ እግዜር ሳበ፤
ሁሉም ከርሱ ጋራ የተሰበሰበ፣
መልካም ነገርን ብቻ እያሰበ፣
የአምላክ ውዳሴንም እየወረበ፣
ለበጐና ፍቅር ሥራ ሁሉ ተረባረበ፣
የተቸገረንውን በሙሉ እየተንከባከበ።


በእግዜር ዘንድም የተባረከ
በትሕትና በፊቱ እየተንበረከከ፣
ልቡ ሁልጊዜ በፍቅሩ እየመከከ፣
ለተቀደሰ ሥራ ሁሉ ተላከ፤
መልካም መልካሙን ብቻ እየተረከ፣
ፍቅርና ሰላምንም እየሰበከ፣
ሕዝብን ሁሉ በትምህርቱ ማረከ።

%d bloggers like this: