IRROB.ORG

Home » የአባ ተስፋማርያም አስታየቶች » ከእግዚአብሔር የራቀ

ከእግዚአብሔር የራቀ

   

 

  

    

free counters

ከእግዚአብሔር የራቀ፣
በፍጹም ያልተመረቀ፣
በክፋቱ እየተመጻደቀ፣
ሌላውን በዕብሪቱ እያደቀቀ፣
ሐሳብን ከሌሎች እየሰረቀ፣
እንዲመስል ሁሉን ያወቀ፣
እንዲታይም ከሁሉ የላቀ፣
አለበለዚያ ቍጠኛ ደሙ የሞቀ፣
ሰውንም ለመዝለፍ በጣም የናፈቀ።


ሰው ከእግዜር መንገድ ከወጣ፣
ይገጥመዋል በጣም ብዙ ጣጣ፣
ሕይወቱ በሙሉ ንዴትና ቍጣ፣
ኑሮው ሁልጊዜ አባጣ-ጐባጣ፤
ከሰማዩ ፈጣሪ ምሕረት ካልመጣ፣
ይቀራል ለዘላለም እንደተቀጣ፣
በዚሁ ዓለም ጸጋን ስላጣ፣
መጥፎ ሞት ይሞታል መርዝን እንደጠጣ፣
ፍጻሜው እንደዚህ ነው እግዜር አያምጣ!


 ከአግዚአብሔር ፈጣሪው የራቀ፣
በዲያብሎስ እጅ ወደቀ፤
በምግባሩ ስላልጸደቀ፣
በኃጢአቱ ሁሉ እየተመጻደቀ፣
እየመሰለውም ሁሉን ያወቀ፣
ከሌሎችም በጣም የላቀ፣
በሐሳቡ ደግሞ የተራቀቀ፣
በትዕቢቱም አጕል እየተንደንላቀቀ፣
መጨረሻ ላይ ግን በጣም ተጨነቀ፣
ከማይወጣበት ባሕር ስለጠለቀ።

 

 

 

 

%d bloggers like this: