Advertisements
IRROB.ORG

Home » አስተያየቶች » ከእግዚአብሔር የራቀ

ከእግዚአብሔር የራቀ

የአባ ተስፋማርያም ባራኪ አስተያየቶች

ከእግዚአብሔር የራቀ፣
በፍጹም ያልተመረቀ፣
በክፋቱ እየተመጻደቀ፣
ሌላውን በዕብሪቱ እያደቀቀ፣
ሐሳብን ከሌሎች እየሰረቀ፣
እንዲመስል ሁሉን ያወቀ፣
እንዲታይም ከሁሉ የላቀ፣
አለበለዚያ ቍጠኛ ደሙ የሞቀ፣
ሰውንም ለመዝለፍ በጣም የናፈቀ


ሰው ከእግዜር መንገድ ከወጣ፣
ይገጥመዋል በጣም ብዙ ጣጣ፣
ሕይወቱ በሙሉ ንዴትና ቍጣ፣
ኑሮው ሁልጊዜ አባጣ-ጐባጣ፤
ከሰማዩ ፈጣሪ ምሕረት ካልመጣ፣
ይቀራል ለዘላለም እንደተቀጣ፣
በዚሁ ዓለም ጸጋን ስላጣ፣
መጥፎ ሞት ይሞታል መርዝን እንደጠጣ፣
ፍጻሜው እንደዚህ ነው እግዜር አያምጣ!


 ከአግዚአብሔር ፈጣሪው የራቀ፣
በዲያብሎስ እጅ ወደቀ፤
በምግባሩ ስላልጸደቀ፣
በኃጢአቱ ሁሉ እየተመጻደቀ፣
እየመሰለውም ሁሉን ያወቀ፣
ከሌሎችም በጣም የላቀ፣
በሐሳቡ ደግሞ የተራቀቀ፣
በትዕቢቱም አጕል እየተንደንላቀቀ፣
መጨረሻ ላይ ግን በጣም ተጨነቀ፣
ከማይወጣበት ባሕር ስለጠለቀ።


ኤረ ተው! ተው! ተው!
የዛሬው ኢትዮጵያዊው ሰው፣
ፊትህን ወደ ፈጣሪ መልሰው!
ሽፍታውን ዲያብሎስን ከምትከተለው፣
በፈተናው ተሸንፈህ ከምታብደው፣
ብርሃን ጠፍቶብህ በጨለማ ከምትኖረው፣
ፍቅር አጥተህ በጥላቻ ከምትቃጠለው፣
መንገድ ጠፍቶብህ እገደል ከምትገባው፣
የእምነት ጸጋ ጎድሎብህ ከምትታወረው፣
ኋላም ወደ ዘላለሙ እሳት ከምትገባው፣
አይሻልህም ወይ ራስህን ለፈጣሪ ብታስገዛው፤
ትእዛዛቱንም ልብ አድርገህ ብትጠብቀው፣
የእርስበርስ ጥላቻንና ጥፋትን ከምትመርጠው፣
እርስበርሳችሁ ተዋደዱ የሚለውን ብታዳምጠው፣
በዕርቅና ፍቅር መንፈስም እተግባር ብታውለው፤
በኢትዮጵያ ላይ በወረደልህ ነበር ቡራኬው!
ያኔም ነበር የሚበታትህን ሰይጣንን የምታሸንፈው!!

Advertisements

Ebates Coupons and Cash Back

 

Bits2u

mybitcominer

%d bloggers like this: