IRROB.ORG

Home » የአባ ተስፋማርያም አስታየቶች » እግዚአብሔር ከወጣበት

እግዚአብሔር ከወጣበት

እግዚአብሔር ከወጣበት
ሰይጣን ገባበት፤
ይህ ማለት፣
እግዚአብሔር ከሌለበት፣
ሰይጣን አለበት፤
በዚህም ምክንያት፣
ሓቅ ይሆናል ውሸት፣
ፈጣሪንም ባለመፍራት፣
ይበዛል ኃጢአት፤
የተገኘ ይመስል ነፃነት፣
ሰው ይገባል  በሰይጣን ሰንሰለት፣
በፍጹም ከማይወጣበት፤
እንዲመጣም ታላቁ ቅጣት፣
በተስፋ እጦት፤
ስለማይገኝ የልብ ምኞት፣
ሰው ይገባል ከጨለማ ቤት፣
እንዲኖር በፍራት፣
እየተሰማው ውርደት፣
በመንፈስም ጭንቀት፤
በአእምሮ ዕብደት፣
ሰላምን በማጣት፤
የጨለማ ሕይወት፣
ትልቁ ቅጣት፣
የጸጋ ዕጦት፣
የዘላለም ሞት፣
የስቃይ ቅጣት፣
የማይበርድ እሳት፤
ለሰው ልጅ ወዮለት፣
ከፈጣሪው በመሸፈት፣
ከሰይጣን ጋራ በመጋራት፣
ከአምላክ ጸጋን በማጣት፣
እንደ ደረቀ እንጨት፣
እንዲቃጠል በእሳት፣
ይሞታል ክፉ ሞት።

 

 

 

%d bloggers like this: