IRROB.ORG

እናት ኢትዮጵያ

BTCClicks.com Banner

አለቀስች እናት ኢትዮጵያ፣
በልጆቿ ሥልጣን ሽሚያ፣
በሚጮሁት እያሉ ይሰጠኝ ቅድሚያ፤
እኔ ብቻ  ነኝና ባለሙያ፣
የማሻሽለው የቍጠባን ገበያ፤
ለኔ ብቻ ይባል ሃሌ ሉያ፣
አሊያ ይሆናል ኵርፊያ፤
ይቀራልም ያ የሀገር ምቾትና ፈንጠዚያ፤
እኔ ብቻ ነኝና የሀገርቷ መመኪያ፣
የኔ ሐሳብ ይሁን ከሁሉም መጀመሪያ፤
የኔ ነገር ካልትሳካ አለበለዚያ፣
ደም ይፈሳል ለሥልጣን ፊልሚያ።


ወገኖቼ ስሙ የቍም ነገር፣
ይህ ዓይነት አቋም ያሰኛል ዕውር፤
በፍጹም አይበጅምም ለሀገር፤
ይልቅስ ለኢትዮጵያ የሚገኘው ክብር፣
ልጆችቿ በትሕትና በመነጋገር፣
በሁሉም ተቻችለው በመኖር፣
ለወገናቸው ሲሠሩ በሰላምና ፍቅር፤
ይቀራል ያ ሁሉ የሥልንጣን ውዥንብር፤
ያኔም ነው ልዑል እግዚአብሔር፣
የሚያወርደው ቡራኬውን ለሀገር፤
ሁሉም እኵል በብልጽግና የሚዳብር፣
ሳይመኝ በከንቱ የሥልጣንን ወንበር፣
ሳያሰኝ ማንንም ሰው ቅር፤
ይኖራልም በሰላም ከሁሉ ጋር፣
እየተመሰገነ እንደ አንድ ገር፣
እየታወቀም እንደ ታላቅ ቼር፤
ይሆናል ጥሩ ምሳሌ ለወገንና ሀገር፣
እያስወገደ የፖለቲካን ችግር፤
በማንም ሰው ጥላቻ ሳይታሰር፣
ሁሉንም ወገን እኩል በማክበር፣
ያስወጣል ከችግርና ድህነት ቀንበር።


 ቈሰለች ኢትዮጵያ በልጆቿ  ዘርነት ጥላቻ፣
ምንም የሌላቸው የእግዚአብሔር  ፍራቻ፤
በፖለቲካ ሥራ የሚሯሯጡ ለሥልጣን ብቻ፤
ሳያውቁ እየገቡ ከሰይጣኑ አጅሬ ጋብቻ፤
በጦርንት አገርቷ እንድትሆን የሬሳ መከማቻ።


ግብጻውያንም ተሯሯጡ ኢትዮጵያ እንዳትለማ፣
ይልቅስ እንድትለወጥ ወደ ጦርነት አውድማ፣
ገንዘባቸውን እያፈሰሱ በጎሳነት ጦርነት እንድትደማ፤
በእርስበርስ ፍጂትም ሀገሪቷ በሬሳ ብቻ እንድትገማ፣
ፍላጎታቸው ነው እንድትበታተን ኢትዮጵያ እማማ፣
ሕዝቦችዋን በማተራመስ አንዱ ካንዱ እንዳይስማማ፤
በዓለምም እንዳይኖራት የሠለጠነ ኃይልና ግርማ
እነሱ ምኞታቸው ሀገራቸው ከአባይ ውኃ እንዳትጠማ።

%d bloggers like this: