IRROB.ORG

በእምነት ደካማ ሰው

በእምነቱ የሆነው በጣም ደካማ
ይኖራል በድቅድቅ ጨለማ፣
የአጋንንት ዋና ከተማ፣
ብርሃን የሌላት የአንድም ሻማ፤
ሰው የፈጣሪን ቃል ልብ አድርጎ ካልሰማ፣
ሕይወቱ ምንም የለውም አላማ፤
በልቶ በልቶ ብቻ እንደሚተኛ አሳማ፣
አያስብም መንፈሳዊ ሕይወቱ ቢለማ ባይለማ፣
ሁሉ ነገር ላሁን ብቻ ነው የርሱ አርማ፣
ሕይወቱ ባዶ ነው ምንም የለውም ግርማ፡፡


እምነት በእግዚአብሔር ፈጣሪ፣
ይበጃል ለዚሁ ዓለም ነዋሪ፣
ሳይሆን በሃይማኖቱ አክራሪ፣
በፈጣሪ ህላዌም ሳይሆን ተጠራጣሪ፣
ይልቅስ የፍቅሩን ትእዛዛት አክባሪ፣
በበጐ አድራጐት ሥራ ሁሉ መሪ፣
እንዳይሆን ከመንግሥተ ሰማይ ተባራሪ፡፡

%d bloggers like this: