IRROB.ORG

Home » የአባ ተስፋማርያም አስታየቶች » አምላክ የሚፈልገው

አምላክ የሚፈልገው

ምን ይሆን አምላክ ከፍጡራኑ የሚፈልገው?
ሰው ሁሉ ጥላቻን በመተው፣
በደላቸውን ይቅር ተባብለው፣
በፍቅርም ሰንሰለት ተሳስረው፣
ሕዝቦች ሁላቸው አንድነትን መሥርተው፣
እንደ አንድ ቤተሰብ ሆነው፣
በፈጣሪያቸው እምነት ጸንተው፣
እርስበርስ በበጐነት ተረዳድተው፣
ክፋትን ሁሉ ከመካከላቸው አስወግደው፣
ፈተናን ሁሉ በጸሎት ኃይል አሸንፈው፣
ከሰይጣናዊ ሥራም በፍጹም ርቀው፣
የጽድቅን መንገድ ብቻ ተከትለው፣
የሰላምን ኑሮ ብቻ መርጠው፣
ፍጡራን መሆናቸውንም ከልብ አምነው፣
ትሕትናን እንደ ልብስ ተከናንበው፣
በሓቅና እውነት ላይ ተመርኵሰው፣
ውሸትንና ማታለልን ሁሉ ትተው፣
የትዕቢትንና ዕብሪትን ተራራ አፍርሰው፣
በብርሃኑ ጸዳል በመመላለስ ጸንተው፣
ለዘላለም ደስታውን እንዲወርሱ ነው።

%d bloggers like this: