Advertisements
IRROB.ORG

Home » አስተያየቶች » በእግዜር ጸጋ የተለወጠ

በእግዜር ጸጋ የተለወጠ

የአባ ተስፋማርያም ባራኪ አስተያየቶች

በእግዜር ጸጋ የተለወጠ፣
ከኵነኔ ሁሉ አመለጠ፣
በቅድስናውም በጣም አጌጠ፤
ለተራበው ሁሉ ምግብን እየሰጠ፣
ደግነቱ በግልጽ ለዓለም ተገለጠ፤
በአምላክ ፍቅርና ቸርነት እየተመሰጠ፣
በጸሎቱ ከሁሉም እየበለጠ፣
በፍቅር እንደ ሻማ ቀለጠ፤
በዓለምና ሰይጣን ፈተኖች ስላልተዋጠ፣
በትዕቢትም ምንም ልቡ ስላላበጠ፣
በትሕትናው ግን በሁሉም ስለተመረጠ፣
በፈጣሪ ፊት ከሌሎች ሁሉ በለጠ።


በእግዚአብሔር ታላቁ ጸጋ፣
ሰው ነው ባለ ብዙ ዋጋ፣
በኑሮው ላይ በጣም እንዳይሰጋ፣
ከዲያብሎስም እንዳይደርሰው አደጋ፣
ይበል ሁልጊዜ ወደ ፈጠረው ጠጋ፤
አደራ እንዳይለይ ከክርስቶስ መንጋ፣
እንዳይጋባ ከሰይጣኑ መንጋጋ፤
ጌታ ይጠብቃልና ሕዝቡን አንድጋ፣
አይፍራ አይረበሽ ሁሉ ይበል ረጋ፣
ሁሉን ይረዳልና የእግዜር ጸጋ።

Advertisements

Ebates Coupons and Cash Back

 

Bits2u

mybitcominer

%d bloggers like this: