Advertisements
IRROB.ORG

Home » አስተያየቶች » ስለ ጋዜጠኛ

ስለ ጋዜጠኛ

የአባ ተስፋማርያም ባራኪ አስተያየቶች

ጋዜጠኛ ጋዜጠኛ፣
የወሬ ሱሰኛ፣
ምንም የማይተኛ፤
ከሆነማ ፖለቲከኛ፣
ከተለወጠም ወደ ቂመኛ፣
በጣም ነው አደገኛ፤
ስለሆነ በጣም አፈኛ፣
የሌለው የሰው ዳኛ፣
በጣም ነው ትምክህተኛ፤
ሰውን የሚያበሳጭ ክፉኛ፣
ከፈለገም በአንደበቱ መርዘኛ፣
በክርክርም በጣም እልኸኛ፣
እስከሚያድርግህ በሽተኛ፣
እስክትሆንም የሰው ቍጠኛ።


ጋዜጠኛ እውነተኛውን ካላወራ፣
ሐቁን ነገር በደምብ ሳያጣራ፣
በፖለቲካዊ ስሜቱ ብቻ ከተመራ፣
እምነቱን አጥፍቶ ፈጣሪንም ካልፈራ፣
ከትዕቢተኛው ሰይጣን እየተጋራ፣
ወገንን ይከታል በትልቅ ቀውስና መከራ፣
ሙያውን ረስቶ ከተሰጠው አደራ።


ጋዜጠኛ በውነቱ ትልቁ የሀገር አደጋ፣
ሕዝብን እርስበርስ የሚያዋጋ፤
በውሸትና በዘር ጥላቻ ነገርን እያናጋ፤
ወገንን ያቃቅራል ከመቀሌ እስከ ወለጋ፤
ፈጣሪአቸውን ረስተው እንዲገቡ ከዲያብሎሱ መንጋጋ።
ሥራው ክፉ ነው፡ የለውም አንዳችም ዋጋ፤
ለማሳጣት ካልሆነ በቀር የእግዜርን ጸጋ፣
ወገን ሁሉ እንዲወድቅ ወደ ኵነኔው አደጋ።


ጋዜጠኛ እና ተልእኮው

ፖለትከኛ ጋዜጠኛ፡ የዲያብሎስ ሐዋርያ፣
ዋና የጥላቻና የዘረኝነት መሳሪያ፤
ትዕቢተኛው አንደበቱ የፖለቲካ መናሃሪያ፣
ውሸታም፡ አታላይ አፉ፡ ወደ ገሃነም መምሪያ፤
አደጋና መርዝ ነው ለሀገሬ ኢትዮጵያ!
አምላክ አፉን ካልዘጋው በቀር በጥድፊያ፣
አይቀሬ ነው ወገንን እንደሚከትት ወደ ውጊያ፤
ኋላም ሰው እንዲሰደድ ወደ ሰይጣን መኖሪያ!

EDUCATIONAL LINKS FOR JOURNALISTS:

Advertisements

Ebates Coupons and Cash Back

 

Bits2u

mybitcominer

%d bloggers like this: