IRROB.ORG

Home » የአባ ተስፋማርያም አስታየቶች » መኖር ከአምላክ ጋራ

መኖር ከአምላክ ጋራ

BTCClicks.com Banner

ሰው ከኖረ ከአምላክ ጋራ

ሰው ከኖረ ከአምላክ ጋራ፣
በነፍሱ ይሆናል ጠንካራ፣
ምንም የማይሰጋና የማይፈራ፣
ፊቱ ሁልጊዜ በደስታ እንደበራ፣
ሁሉ ይወዳል ከእርሱ ጋራ እንዲያወራ፣
ሰውን ወደ መልካም ብቻ ስለሚመራ፣
ሁሉ ይፈልጋል ከእርሱ እንዲጋራ፣
እግዜር የሚወዶውን ብቻ ስለሚሠራ።


ከፈጣሪ ተለይቶ መኖር

መኖር ከንቱ ነው ከፈጣሪ ተለይቶ፣
ሆድ ቢሞላም የፈለገውን በልቶ፣
መንፈሳዊው ጕዳይ ግን እንዳለ ተረስቶ፣
ጊዜው በከንቱ አልፎ ቀኑም መሽቶ፣
ሰው ጕዞውን እንዳይቀጥል ብርሃንን አይቶ፣
ሌሊቱ ጨለመ እስኪወድቅ ከጕድጓድ ገብቶ፣
አልታየውምና የሕይወቱ ነገር ጐልቶ፤
ለካ እንደዚህ ነው ነፍሱን ለረሳ መቶ በመቶ!


እርግጠኛ ነኝ መቶ በመቶ፣
አይቻልም ኑሮ ካምላክ ፈጣሪ ተለይቶ፣
ዬትም አይደረስም ጕዞው ተለፍቶ፣
ሕይወትም ምሥጢር የለውም ከቶ፣
ለመሰቃየት ካልሆነ በሰይጣን እጅ ገብቶ።


ሰው ሕይወትን ከፈጣሪው እንዲጋራ፣
የቼርነትን ሥራ ብቻ ይሥራ፤
ይኸው ነውና የአምላክ አደራ፤
ከአዲስ አበባ እስከ አሥመራ፣
ይቅር ተባብሎ እንዲኖር በጋራ፤
የፍቅር ውሃ ይጠጣ ይቅር ቢራ፣
በጥላቻ ሰክሮ ለመጓዳት እንዳይሰማራ።

%d bloggers like this: